ძებნა

მენიუ

ძებნა

010

მიღება

ილიაუნი – შენი პიროვნული და პროფესიული განვითარების ადგილი

მიღება
მოდული 1 – ზოგადი უნარების გამოცდისთვის მოსამზადებელი კურსი 15 სესიად

მოდული 1 – ზოგადი უნარების გამოცდისთვის მოსამზადებელი კურსი 15 სესიად

I. სესია

  • პრაქტიკული სავარჯიშოების დახმარებით, მსმენელები გაეცნობიან ნატურალურ რიცხვებთან მუშაობის პრინციპებს.

ნატურალური რიცხვების ჩაწერა ციფრებით. ლუწი და კენტი რიცხვები. ჯერადი და გამყოფი. რიცხვების გაყოფადობის წესები. ალგებრული ამოცანები და მათი ამოხსნის ხერხები.

  •  პრაქტიკული სავარჯიშოების დახმარებით მსმენელები გაეცნობიან წილადების და მთელი რიცხვების კლასებს.

ათწილადები; დადებითი და უარყოფითი რიცხვები. რიცხვთა შედარება. არითმეტიკული მოქმედებები რიცხვებზე. არითმეტიკულ მოქმედებათა თვისებები.

 II. სესია

  • პრაქტიკული სავარჯიშოების დახმარებით მსმენელები გაეცნობიან „ნაწილის და პროცენტის ცნებებს“, „შეფარდების და პროპორციის“ აგების პრინციპებს:

რიცხვის ნაწილის და პროცენტის პოვნა. რიცხვის პოვნა ნაწილის და პროცენტის მიხედვით; იმის დადგენა, თუ ერთი რიცხვი მეორის რა ნაწილი ან რა პროცენტია. პროპორციის ძირითადი თვისება. პროპორციულ ნაწილებად დაყოფა. მასშტაბი.

III. სესია

პრაქტიკული სავარჯიშოების დახმარებით, მსმენელები გაეცნობიან ვერბალურ ნაწილში შემავალი სავარჯიშოების – „ანალოგიები“ და „წინადადების შევსება“ – შესრულების ხერხებს და პრინციპებს.

 IV. სესია

  • პრაქტიკული სავარჯიშოების დახმარებით, მსმენელები გაეცნობიან შემდეგ თემებს: „რიცხვითი ღერძი“, „ალგებრული გამოსახულება“, „წრფივი განტოლება და მისი ამოხსნა“, „წრფივ განტოლებათა სისტემა“: 

რიცხვების გამოსახვა რიცხვით ღერძზე. წერტილის კოორდინატი რიცხვით ღერძზე. ალგებრული გამოსახულების რიცხვითი მნიშვნელობა. ალგებრულ გამოსახულებათა გარდაქმნა. ორი რიცხვის ჯამის და სხვაობის კვადრატის, აგრეთვე კვადრატების სხვაობის ფორმულები. განტოლება. განტოლების ფესვი. წრფივი განტოლების ამოხსნა, სისტემის ამოხსნის ხერხები.

V. სესია

პრაქტიკული სავარჯიშოების დახმარებით, მსმენელები გაეცნობიან ტექსტის დამუშავების პრინციპებს, აითვისებენ ტექსტის გააზრების ეფექტურ და სწრაფ ხერხებს.

 VI. სესია

პრაქტიკული სავარჯიშოების დახმარებით, მსმენელები გაეცნობიან შემდეგ თემებს: „რიცხვის ნატურალური ხარისხი და მისი თვისებები“, „მიმდევრობა, ფუნქცია, ფუნქციის გრაფიკი“, „საშუალო არითმეტიკული“.

VII. სესია

პრაქტიკული სავარჯიშოების დახმარებით, მსმენელები გაეცნობიან სხვადასხვა ტიპის ლოგიკური ამოცანების ამოხსნის ხერხებს.

VIII. სესია

  • პრაქტიკული სავარჯიშოების დახმარებით, მსმენელები გაეცნობიან თემას: „გეომეტრიული ფიგურები სიბრტყეზე“ (1)

წერტილი. წრფე. სხივი. მონაკვეთი. ტეხილი. კუთხე. კუთხის საზომი ერთეული. მართი, გაშლილი, მახვილი და ბლაგვი კუთხეები. მოსაზღვრე, ვერტიკალური, ჯვარედინი კუთხეები.

 IX. სესია

  • პრაქტიკული სავარჯიშოების დახმარებით, მსმენელები გაეცნობიან თემას: „გეომეტრიული ფიგურები სიბრტყეზე (2)“

მრავალკუთხედი. მრავალკუთხედის დიაგონალი. წესიერი მრავალკუთხედი. მრავალკუთხედის პერიმეტრი. სამკუთხედის უტოლობა. სამკუთხედის კუთხეების სიდიდეთა ჯამი. ტოლფერდა, ტოლგვერდა, მართკუთხა სამკუთხედები და მათი თვისებები. დამოკიდებულება სამკუთხედის გვერდების და მათ მოპირდაპირე კუთხეებს შორის. პითაგორას თეორემა. სამკუთხედის ფართობის გამოსათვლელი ფორმულა.

X. სესია

  • პრაქტიკული სავარჯიშოების დახმარებით, მსმენელები გაეცნობიან თემას: „გეომეტრიული ფიგურები სიბრტყეზე (3)“

 რომბი, მართკუთხედი, პარალელოგრამი, კვადრატი და მათი თვისებები. მართკუთხედის, პარალელოგრამის, კვადრატის ფართობის გამოსათვლელი ფორმულები. წრეწირი, წრე, ცენტრი, რადიუსი, დიამეტრი. წრეწირის სიგრძე. წრეწირის ფართობი.

XI. სესია

პრაქტიკული სავარჯიშოების დახმარებით, მსმენელები გაეცნობიან თემებს: „სიმეტრიული ფიგურები. ღერძული სიმეტრია“, „პარალელური და მართობული წრფეები“, „მართკუთხა კოორდინატთა სისტემა სიბრტყეზე“

XII. სესია

  • პრაქტიკული სავარჯიშოების დახმარებით მსმენელები გაეცნობიან თემას: „გეომეტრიული სხეულები“.

კუბი, მართკუთხა პარალელეპიპედი, პირამიდა, სფერო, ბირთვი, ცილინდრი და მათი მოცულობების გამოსათვლელი ფორმულები.

XIII. სესია

  • პრაქტიკული სავარჯიშოების დახმარებით, მსმენელები გაეცნობიან თემებს: „მონაცემთა ანალიზი“, „ალბათობის თეორია“.

 მონაცემთა წარმოდგენის ხერხები: ცხრილი, სკალა, გრაფიკი, წრიული დიაგრამა, სვეტოვანი დიაგრამა. ხდომილება და მისი ალბათობა.

 XIV. სესია

  • პრაქტიკული სავარჯიშოების დახმარებით, მსმენელები გაეცნობიან თემას: „ზომა, ზომის ერთეულები“. 

სიგრძე, ფართობი, მოცულობა, მასა, სიჩქარე, დრო; ამ სიდიდეების ერთეულები.

 XV. სესია

  • შემაჯამებელი

ნასწავლ მასალაზე დაყრდნობით, შერეული ტიპის ტესტური დავალებების შესრულება

[wpai_display_imported_files_here]

დაფინანსების შესაძლებლობები

ილიაუნის სტიპენდია წარმატებული პირველკურსელებისთვის

ილიაუნი ყოველწლიურად აწესებს 1000-ლარიან სტიპენდიას ერთიანი ეროვნული გამოცდების შედეგებით ქვეყნის მასშტაბით საუკეთესო პირველკურსელებისთვის, რომლებიც ჩაირიცხებიან ილიას სახელმწიფო უნივერსიტეტში შემდეგ ფაკულტეტებზე/სკოლებში:

  • მეცნიერებათა და ხელოვნების ფაკულტეტი / 4+1 პროგრამა
  • საბუნებისმეტყველო მეცნიერებებისა  და მედიცინის ფაკულტეტი
  • ბიზნესის, ტექნოლოგიისა და განათლების ფაკულტეტი 
  • მედიცინის სკოლა
  • ტექნოლოგიის სკოლა
  • ბიზნესის სკოლა
  • განათლების სკოლა

თანაბარი ქულების შემთხვევაში თანხა შეიძლება გადანაწილდეს ორ სტიპენდიატზე.

სახელმწიფოს მიერ სრულად დაფინანსებული საბაკალავრო პროგრამები 

ილიას სახელმწიფო უნივერსიტეტში შეგიძლიათ სახელმწიფოს მიერ სრულად დაფინანსებული საბაკალავრო პროგრამების არჩევა. თუ ერთიანი ეროვნული გამოცდებით ჩააბარებთ ილიას სახელმწიფო უნივერსიტეტში, ამ პროგრამების არჩევის შემთხვევაში სწავლა მთლიანად დაგიფინანსდებათ.

დაფინანსებული მიმართულებების ჩამონათვალი გამოქვეყნდება შეფასებისა და გამოცდების ეროვნული ცენტრის ვებგვერდზე.

გრანტის გაუმჯობესება

თუ არ გაქვთ გრანტი ან მოპოვებული გაქვთ ნაწილობრივი დაფინანსება (50% ან 70%), შეგიძლიათ დარეგისტრირდეთ გრანტის გაუმჯობესების გამოცდაზე, რომელსაც შეფასებისა და გამოცდების ეროვნული ცენტრი ატარებს და გაიუმჯობესოთ  გრანტი.

გაითვალისწინეთ: თუ გამოცდაზე სასურველ შედეგს ვერ მიაღწევთ, არსებული გრანტი შეგინარჩუნდებათ.

სწავლის დაფინანსების შესაძლებლობები

პირველი საფეხურის სტუდენტთა სახელმწიფო სასწავლო გრანტით სწავლის დაფინანსების სოციალური პროგრამა

საქართველოს მთავრობის შესაბამისი დადგენილებით ყოველწლიურად განისაზღვრება სახელმწიფო სოციალური პროგრამით დასაფინანსებელ სტუდენტთა კატეგორიები. ამ დაფინანსების მოპოვების შემთხვევაში სახელმწიფო გრანტის ზღვრული ოდენობის ფარგლებში სტუდენტის მიერ გადასახდელი სწავლის საფასური ფინანსდება სრულად, ხელშეკრულების სრული ვადით. თუ ზოგიერთი კატეგორიის სტუდენტები ჩარიცხვის წელს ვერ მოიპოვებენ დაფინანსებას, მათ შეუძლიათ მონაწილეობა მიიღონ მომდევნო სასწავლო წლებში გამოცხადებულ კონკურსებშიც.

შენიშვნა: მომდევნო სასწავლო წლების დაფინანსების გასაგრძელებლად განმეორებითი რეგისტრაცია საჭირო არ არის. 

სოციალური პროგრამის ფარგლებში სწავლის დაფინანსებასთან დაკავშირებით განაცხადები მიიღება მხოლოდ ელექტრონულად. რეგისტრაცია შესაძლებელია სექტემბერში. კონკრეტულ ვადებს განსაზღვრავს საქართველოს განათლების, მეცნიერებისა და ახალგაზრდობის სამინისტრო. რეგისტრაცია და ინფორმაციის მიღება შესაძლებელია სამინისტროს ვებგვერდის ბანერის „სტუდენტთა სახელმწიფო/სამაგისტრო გრანტით დაფინანსება სოციალური პროგრამის ფარგლებში“  საშუალებით.

დეტალური ინფორმაცია იხილეთ ბმულზე.  

გაითვალისწინეთ: თუ სტუდენტი მიეკუთვნება ერთზე მეტ სოციალურ კატეგორიას, მიზანშეწონილია იმდენ კატეგორიაში გააკეთოს განაცხადი, რამდენსაც აკმაყოფილებს.

გამყოფი ხაზის მიმდებარე სოფლებში მცხოვრები სტუდენტების სწავლის დაფინანსების პროგრამა

საქართველოს განათლების, მეცნიერებისა და ახალგაზრდობის სამინისტრო აფინანსებს გამყოფი ხაზის მიმდებარე სოფლებში მცხოვრები სტუდენტების სწავლას. მის მიზნობრივ ჯგუფს წარმოადგენენ საქართველოს ოკუპირებულ ტერიტორიებთან გამყოფი ხაზის მიმდებარე სოფლებში მცხოვრები სტუდენტები. დეტალური ინფორმაცია განთავსებულია სამინისტროს ვებგვერდის ბანერზე „გამყოფი ხაზის მიმდებარე სოფლებში მცხოვრები სტუდენტების სწავლის დაფინანსება“.

განაცხადები მიიღება მხოლოდ ონლაინრეგისტრაციით. რეგისტრაცია წარმოებს დეკემბერში. კონკრეტულ ვადებს განსაზღვრავს საქართველოს განათლების, მეცნიერებისა და ახალგაზრდობის სამინისტრო. პროგრამით დაფინანსების მოპოვების შემთხვევაში სახელმწიფო გრანტის ზღვრული ოდენობის ფარგლებში სტუდენტის მიერ გადასახდელი სწავლის წლიური საფასური ფინანსდება სრულად.

გაითვალისწინეთ: მომდევნო სასწავლო წლებზე დაფინანსების გასაგრძელებლად აუცილებელია ყოველწლიური რეგისტრაციის გავლა.

საქართველოს თავდაცვის სამინისტროს მოქმედი თანამშრომლის ოჯახის წევრი სტუდენტების სწავლის დაფინანსების პროგრამა

საქართველოს თავდაცვის სამინისტროს მოქმედი თანამშრომლის ოჯახის წევრი სტუდენტების სემესტრულ სწავლას აფინანსებს  (სრულად ან ნაწილობრივ) თავდაცვის სამინისტრო. დაფინანსების მისაღებად საჭიროა შესაბამისი კატეგორიის სტუდენტებმა სამინისტროში ყოველ სემესტრში წარადგინონ მოთხოვნა საჭირო დოკუმენტების თანხლებით. დოკუმენტების ჩამონათვალისა და საბუთების წარდგენის ვადების შესახებ ინფორმაციის მისაღებად მიმართეთ საქართველოს თავდაცვის სამინისტროს.

ვეტერანების ოჯახის წევრი სტუდენტების სწავლის დაფინანსების პროგრამა

ვეტერანების საქმეთა სახელმწიფო სამსახური ახორციელებს ვეტერანების ოჯახის წევრი სტუდენტების სწავლის საფასურის დარჩენილი ოდენობის სემესტრულ დაფინანსებას, სასწავლო წელზე მაქსიმუმ 1125 (ათას ას ოცდახუთი) ლარის ოდენობით, რაც გულისხმობს დაფინანსებაზე მოთხოვნის წარდგენის დროისათვის სტუდენტის მიერ დასაფარი (და არა სრული) სწავლის საფასურის დაფინანსებას. დაფინანსების მისაღებად საჭიროა შესაბამისი კატეგორიის სტუდენტებმა სამსახურს ყოველ სემესტრში წარუდგინონ მოთხოვნა საჭირო დოკუმენტების თანხლებით. დოკუმენტების ჩამონათვალისა და საბუთების წარდგენის ვადების შესახებ ინფორმაციისთვის მიმართეთ ვეტერანების საქმეთა სახელმწიფო სამსახურს.

გაითვალისწინეთ: თუ თქვენი ოჯახის წევრი ვეტერანი და ამავდროულად საქართველოს თავდაცვის სამინისტროს მოქმედი თანამშრომელია, დაფინანსების მისაღებად შეგიძლიათ მიმართოთ ორივე სტრუქტურას.

სოციალურად დაუცველი სტუდენტების სწავლის დაფინანსების პროგრამა

სოციალურად დაუცველმა და/ან წარმატებულმა სტუდენტებმა, ასევე მრავალშვილიანი ოჯახების სტუდენტებმა და შშმ პირებმა სწავლის დაფინანსების თხოვნით შეგიძლიათ მიმართოთ თბილისისა და სხვა ადგილობრივი მუნიციპალიტეტების (რუსთავის, აჭარის ავტონომიური რესპუბლიკის კულტურის სამინისტროს, ყაზბეგისა და ა.შ.) მერიებსა და კერძო სამართლის იურიდიულ პირებს („მაკი“,  „აგროჰაბი“ და სხვ.).

დეტალებისთვის მიმართეთ დამფინანსებელს.

პირველი საფეხურის ეთნიკურად აზერბაიჯანელი სტუდენტების სწავლის დაფინანსების პროგრამა

პირველი საფეხურის ეთნიკურად აზერბაიჯანელი სტუდენტების სწავლას ყოველ სემესტრში აფინანსებს აზერბაიჯანის რესპუბლიკის სახელმწიფო ნავთობის კომპანიის წარმომადგენლობა საქართველოში (SOCAR). დაფინანსების მისაღებად უნდა აკმაყოფილებდეთ დამფინანსებლის მიერ დადგენილი აკადემიური მოსწრების კრიტერიუმებს და სოკარის მიერ გამოცხადებულ პერიოდში ყოველ სემესტრში დარეგისტრირდეთ ელექტრონულ პორტალზე. რეგისტრაციის დასრულების შემდეგ სოკარის მიერ წარმოდგენილი სიის საფუძველზე შესაბამის ინფორმაციას ამზადებს და აწვდის უნივერსიტეტი. სტუდენტების მიერ დამატებითი დოკუმენტების უნივერსიტეტიდან გატანა საჭირო არ არის. დაფინანსებულ სტუდენტებს განცხადებით მომართვის გარეშე მომდევნო სემესტრში არ შეგეზღუდებათ „არგუსი“ და დაუბრკოლებლად შეძლებთ სასწავლო პროცესში ჩართვას.

დეტალებისთვის მიმართეთ დამფინანსებელს.

ეთნიკურად სომეხი სტუდენტების სწავლის დაფინანსების პროგრამა

ეთნიკურად სომეხი სტუდენტების სწავლის საფასურს ყოველ სემესტრში აფინანსებს  სომხეთის საგანმანათლებლო ფონდი. დაფინანსების მისაღებად უნდა აკმაყოფილებდეთ დამფინანსებლის მიერ დადგენილი აკადემიური მოსწრების კრიტერიუმებს და სემესტრის დასაწყისში შესაბამისი დოკუმენტები გაგზავნოთ ფონდის ელექტრონულ ფოსტაზე.

დეტალებისთვის მიმართეთ დამფინანსებელს.

საქართველოს ბანკის სტიპენდია

საქართველოს ბანკი კონკრეტული ბიუჯეტის ფარგლებში სტუდენტებისთვის გამოყოფს თანხას მთლიანი სასწავლო წლისთვის ან ნაწილობრივ დასაფინანსებლად. შეფასების და საკონკურსო პირობები ყოველ წელს განსხვავებულია. 2025 წელს გასაუბრების ეტაპისთვის სტუდენტების შერჩევის მთავარი კრიტერიუმი აკადემიური მოსწრება და სამოტივაციო წერილი იყო. გასაუბრების შედეგად შეირჩა 6 სტუდენტი.

გაითვალისწინეთ: სტუდენტს, რომელიც ელოდება სწავლის დაფინანსებას სახელმწიფო ან კერძო სამართლის იურიდიული პირებისგან და უნივერსიტეტი სტუდენტის ან თავად დამფინანსებლისგან მიიღებს ამის დამადასტურებელ დოკუმენტაციას, დაფინანსების საკითხის განხილვამდე გადაეწევა შესაბამისი სემესტრის საფასურის გადახდის ვადა. ამ პერიოდში სტუდენტს არ ეზღუდება წვდომა „არგუსზე“ და დაუბრკოლებლად ერთვება სასწავლო პროცესში. სტუდენტი ვალდებულია, სრულად დაფაროს სწავლის საფასურის დავალიანება, თუ ვერ მიიღებს დაფინანსებას.

საერთაშორისო პროექტები

შეგიძლიათ ჩაერთოთ თანამედროვე კვლევით პროექტებსა და საერთაშორისო აკადემიურ ქსელებში.

  • Tempus – 27 პროექტი
  • Erasmus+ CBHE – 28 პროექტი (მათ შორის 4 ISU-ის კოორდინირებით)
  • Jean Monnet, Horizon 2020, Horizon Europe, NATO SPS და სხვ.

გაცვლითი პროგრამები

შეგიძლიათ ერთი ან რამდენიმე სემესტრი გაატაროთ საზღვარგარეთ, შეიძინოთ ახალი მეგობრები, ცოდნა და გამოცდილება.

  • Erasmus+ KA107-ის ფარგლებში ილიაუნი თანამშრომლობს 139 ევროპულ უნივერსიტეტთან 26 ქვეყნიდან. 
  • 2015 წლიდან განხორციელდა 1200-ზე მეტი სტუდენტისა და პერსონალის მობილობა.

ორმაგი ხარისხი და ერთობლივი პროგრამები

თქვენი განათლება აღიარებული იქნება არა მხოლოდ საქართველოში, არამედ ევროპის წამყვან ქვეყნებშიც.

  • დოქტორანტურა – ორმაგი ხარისხის პროგრამები გერმანიის წამყვან უნივერსიტეტებთან:
    • მიუნსტერის უნივერსიტეტი
    • გოტინგენის უნივერსიტეტი
  • Erasmus Mundus ერთობლივი სამაგისტრო პროგრამები:
    • European Masters in Lexicography (EMLEX)
    • International Masters in Russian, Central and Eastern European Studies (IMRCEES)

საერთაშორისო სტანდარტების შესაბამისი განათლება

ილიას სახელმწიფო უნივერსიტეტში მიიღებთ საერთაშორისო სტანდარტებთან შესაბამის განათლებას. ჩვენი საგანმანათლებლო პროგრამები შექმნილია ისე, რომ დაგეხმაროთ ცოდნისა დათანამედროვე პრაქტიკული უნარების შეძენაში.

გექნებათ შესაძლებლობა, იმუშაოთ კვლევით პროექტებზე მსოფლიოს სხვადასხვა უნივერსიტეტთან ერთად. ამ გამოცდილებით უკვე სასწავლო პროცესში გახდებით გლობალური აკადემიური საზოგადოების ნაწილი. იქნებით კონკურენტუნარიანები როგორც ადგილობრივ, ისე საერთაშორისო შრომის ბაზარზე და წარმატებით გააგრძელებთ კარიერას სხვადასხვა სფეროში.

ილიაუნიში გასწავლიან კვალიფიციური ადგილობრივი და უცხოელი ლექტორები, რომლებიც უზრუნველყოფენ სწავლების მაღალ ხარისხს.

ილიაუნის შესახებ

ილიაუნი საქართველოს ერთ–ერთი წამყვანი კვლევითი და საგანმანათლებლო  უნივერსიტეტია, რომელიც დაარსდა 2006 წელს და აერთიანებს 4 ფაკულტეტს და 76 კვლევით ცენტრს. აქ სწავლობს 17000-მდე სტუდენტი, მათ შორის 850 საერთაშორისო სტუდენტი.

ილიაუნიში მიიღებთ მაღალი დონის აკადემიურ განათლებას. თანამედროვე ინფრასტრუქტურა და სტუდენტური გარემო ხელს შეგიწყობთ როგორც პროფესიულ, ისე პიროვნულ განვითარებაში.

 

ილიაუნი საქართველოს ერთ–ერთი წამყვანი კვლევითი და საგანმანათლებლო  უნივერსიტეტია, რომელიც დაარსდა 2006 წელს და აერთიანებს 4 ფაკულტეტს და 76 კვლევით ცენტრს. აქ სწავლობს 17000-მდე სტუდენტი, მათ შორის 850 საერთაშორისო სტუდენტი.

ილიაუნიში მიიღებთ მაღალი დონის აკადემიურ განათლებას. თანამედროვე ინფრასტრუქტურა და სტუდენტური გარემო ხელს შეგიწყობთ როგორც პროფესიულ, ისე პიროვნულ განვითარებაში.

 

 

ილიაუნი საქართველოს ერთ–ერთი წამყვანი კვლევითი და საგანმანათლებლო  უნივერსიტეტია, რომელიც დაარსდა 2006 წელს და აერთიანებს 4 ფაკულტეტს და 76 კვლევით ცენტრს. აქ სწავლობს 17000-მდე სტუდენტი, მათ შორის 850 საერთაშორისო სტუდენტი.

ილიაუნიში მიიღებთ მაღალი დონის აკადემიურ განათლებას. თანამედროვე ინფრასტრუქტურა და სტუდენტური გარემო ხელს შეგიწყობთ როგორც პროფესიულ, ისე პიროვნულ განვითარებაში.

 

ილიაუნი საქართველოს ერთ–ერთი წამყვანი კვლევითი და საგანმანათლებლო  უნივერსიტეტია, რომელიც დაარსდა 2006 წელს და აერთიანებს 4 ფაკულტეტს და 76 კვლევით ცენტრს. აქ სწავლობს 17000-მდე სტუდენტი, მათ შორის 850 საერთაშორისო სტუდენტი.

ილიაუნიში მიიღებთ მაღალი დონის აკადემიურ განათლებას. თანამედროვე ინფრასტრუქტურა და სტუდენტური გარემო ხელს შეგიწყობთ როგორც პროფესიულ, ისე პიროვნულ განვითარებაში.

 

 

ილიაუნი საქართველოს ერთ–ერთი წამყვანი კვლევითი და საგანმანათლებლო  უნივერსიტეტია, რომელიც დაარსდა 2006 წელს და აერთიანებს 4 ფაკულტეტს და 76 კვლევით ცენტრს. აქ სწავლობს 17000-მდე სტუდენტი, მათ შორის 850 საერთაშორისო სტუდენტი.

ილიაუნიში მიიღებთ მაღალი დონის აკადემიურ განათლებას. თანამედროვე ინფრასტრუქტურა და სტუდენტური გარემო ხელს შეგიწყობთ როგორც პროფესიულ, ისე პიროვნულ განვითარებაში.